SINTESIA

Escuela 2.0: ¿algo más que una etiqueta? Notas para una discusión educativa. Juana Mª Sancho Gil. Universidad de Barcelona

XX. mendetik hezkuntza tresna desberdinez hornitzeko saiakera egin da. Saiakera hauek ez dute espero zen arrakasta izan, hezkuntzak autonomia, politika, ekonomia eta teknologia falta baititu. Hutsune hauek hezkuntzaren garapena oztopatzen dute, honek gordetzen dituen alderdi sinboliko eta antolatzaile egokiak lortzea eragozten delarik.

2.0 “mundua”, informazioaren mundua da. Izan ere, informazioa eskuratzea edo sartzea, hau da, informazioa besteei eskaintzea oso erreza da eta erabiltzaile bakoitzak bere informazioarekiko kontrol osoa du. Gainera informazioa hau eraldatzen joaten da. 2.0 munduarekin hertsiki dago lotua Eskola 2.0 plana.

Hezkuntzaren aldaketa ekarriko duten baliabide hauen garrantziaz jabetuta, politiko askok beren diskurtsoak apaintzeko erabili dute Eskola 2.0ren plana. Baina diskurtso horietan plan horren kanpoko itxura soilik aipatu da, hau da, planaren oinarriak falta izan dira: zer eduki landu, irakasleak nola prestatu … Politikoentzat errazagoa baita diskurtsoak asmatu eta apaintzea, heziketa hobetzea baino.